Detaljregulering for Breivik/Åråsvågen/Sætremarka, planID 2014004

Varsel om endring av detaljregulering i Austrheim kommune.

I medhald plan- og bygningslovas (pbl) § 12-8 varslast det om endring av detaljreguleringsplanen for Breivik/Åråsvågen/Sætremarka. Detaljreguleringsplanen for Breivik/Åråsvågen/Sætremark trådde i kraft 24.11.2016. Reguleringsplanen regulerer eit stort område (totalt ca. 287 daa) med mange ulike formål med tilhøyrande infrastruktur og grøntareal. Reguleringsplanen ligg sentralt i Austrheim kommune inntil kommunesenteret med rådhus og kjøpesenter.

Allstad Eiendom ynskjer med dette å varsle om mindre endring av gjeldande detaljreguleringsplan. Føremålet med reguleringsendringa er å tilretteleggje for omsorgsbustader innanfor byggefeltet BKB2 (del av eigendom gnr/bnr. 142/176). Omsorgsbustader ynskjast etablert innanfor regulerte byggjegrenser og utnytting. Endringane gjeld ein endring av reguleringsføremål frå «BKB - bustad/forretning» (SOSI-kode 1801) til «BOP - offentleg eller privat tenesteyting» (SOSI-kode 1160). Dette då gjeldande føremål ikkje opnar for omsorgsbustader.

For å tilretteleggje for omsorgsbustader innanfor feltet gjerast det i tillegg fleire mindre justeringar av detaljreguleringsplanens føresegner og plankart. Det varslast med dette om følgjande endringar:

1. Felt BKB2 (kombinert bustad/forretning, SOSI-kode 1160) endrar formål og namn til BOP (offentleg og privat tenesteyting, SOSI-kode 1801)

2. Byggehøgdene på den nordlege delen av tomta aukast med inntil 3 meter (BH=+35), mens regulert byggehøgd vidareførast på den sørlege delen av tomta (BH=+32)

3. Det opnast for justering av tilkomstveg til feltet. Regulert tilkomstveg f_SV4 er fjerna frå plankartet, og det er lagt inn nytt føresegnsområde (#7) som angjev at tilkomstvegen skal etablerast innanfor dette føresegnsområdet. føresegnene sikrar at tilkomstvegen får same bredd og kvalitet som i gjeldande regulering

4. Mindre justeringar av føresegnene knytt til endring av feltnamn frå BKB2 til BOP

5. Gjeldande føresegner set ikkje krav til uteopphaldsareal for omsorgsbustader. Det er i forslag til reviderte føresegner presisert eit krav om minimum 7 m² (privat) og 25 m² (felles) uteopphaldsareal per omsorgsbustad

6. Gjeldande føresegner stiller ikkje krav til parkering for omsorgsbustader. Det er presisert at parkeringskrav skal følgja kommuneplanen. Parkeringskrav per årsverk vert med dette: 0,2 sykkelparkeringsplassar, minimum 0,5 bilparkeringsplassar og maksimalt 1 bilparkeringsplass

7. Parkeringskravet er vesentleg lågare enn for bustader, og det opnast for i reviderte føresegner at parkering kan etablerast på terreng.

Prosess

Plan- og bygningslova § 12-14 opnar opp for at mindre reguleringsendringar kan vedtakast etter en forenkla prosess. Dette gjeld når endringa i liten grad vil påverke gjennomføringa av planen, ikkje går utover hovudrammene i planen, og heller ikkje påverkar omsynet til viktige natur- og friluftsområde. Tilbakemeldingane i samband med varsel om endring vil avgjere om saken kan behandlast etter ein forenkla prosess, eller som ein reguleringsendring etter ordinær prosess.

Innspel/merknader til planarbeidet må sendast innan 04.05.2026 til fagkunnig plankonsulent pr. e-post til sifm@arkitema.com med kopi til postmottak@austrheim.kommune.no, eller til Arkitema v/Simon Friis Mortensen, Cort Adelers gate 30, 0254 Oslo.

Har du spørsmål kan du kontakta:
Arkitema v/Simon Friis Mortensen / Cort Adelers gate 30 / 45 18 30 31 / sifm@arkitema.com / www.arkitema.com

Vedlegg

Planavgrensning – endring av reguleringsplan

Forenklet planbeskrivelse – endring av reguleringsplan

Vedlegg 1 – Plankart, gjeldende

Vedlegg 2 – Plankart, mindre reguleringsendring

Vedlegg 3 – Reguleringsbestemmelser, gjeldende

Vedlegg 4 - Reguleringsbestemmelser – mindre endring

Vedlegg 5 – Referat fra oppstartsmøte

Vedlegg 6 – Landskapsplan

Vedlegg 7 – Snitt

Vedlegg 8 – Volumer